Usa ka patay nga lawas sa lalaki ang napalgan sa Mahiga Creek sa Barangay Mabolo sayo sa buntag karong Martes, Enero 13, 2026, sumala sa kumpirmasyon sa mga otoridad. Dali nga miresponde ang kapulisan ug rescue personnel human madawat ang report gikan sa mga residente sa maong lugar.
Ang biktima nailhan nga si Tobi Olayan, 28 anyos, nga una nang gi-report nga na missing sa iyang pamilya. Matod pa sa kapulisan, positibo nga giila sa pamilya ang lawas sa biktima pinaagi sa iyang sinina ug uban pang personal nga butang.
Sumala sa impormasyon gikan sa pamilya, si Olayan katapusang nakita sa sayong kadlawon sa Enero 12, 2026, tali sa ala 1:00 ug alas 2:00, didto sa Le Pad Apartments sa Barangay Mabolo, Cebu. Basi kini sa kuha sa CCTV sa maong lugar.
Gipahibalo sa pamilya nga ilang gipahigayon ang autopsy aron mahibal-an ang tukmang hinungdan sa kamatayon sa biktima. Wala pa motug-an ang mga otoridad kung adunay timailhan sa foul play samtang naghulat pa sa opisyal nga resulta sa eksaminasyon.
Sa pagkakaron, nagpadayon ang imbestigasyon sa lokal nga kapulisan aron matino ang tanang kahimtangan nga may kalabutan sa insidente.
I via Renante Socia Lada