Si Mayor Junard “Ahong” Chan sa Lapu-Lapu City nakadawat og laing pasidungog nga ‘Outstanding Public Servant’ award gikan sa usa ka national award-giving body, ang RPMD (Regional Public Management and Development). Kini nga award usa ka ilhanan sa iyang paningkamot ug dedikasyon isip lider nga nagtutok sa tinuoray nga serbisyo para sa katawhan.
Matod sa mayor, nga tunga sa kagubot sa pandemya, natural nga katalagman sama sa Bagyong Odette, ug uban pang mga kalisud, nagpadayon siya sa pagserbisyo bisan pa sa mga adlaw nga pahulay o holiday. Wala siya mohunong sa iyang katungdanan ug gipadayon ang pagbubo sa serbisyo ngadto sa mga Oponganon nga nanginahanglan sa tabang sa gobyerno.
Gibati ni Mayor Chan ang dako niyang pasalamat sa award apan mas iyang giila nga kini dili lang alang kaniya. Matud pa niya, ang maong pasidungog resulta sa panaghiusa ug pagtinabangay sa tanang Oponganon. “Kini nga award, para ni kaninyu tanan. Kung wala mo, wala pud kini,” pahayag sa mayor.
Ang award gihatag samtang nagkaduol na ang kataposan sa iyang termino isip mayor. Mopuli kaniya ang iyang asawa nga si Mayor-elect Congresswoman Ma. Cynthia “Cindi” King Chan, nga mosugod sa serbisyo sa sunod nga administrasyon. Bisan pa sa pagpanamilit, padayon gihapon ang pag-ila sa mga kalampusan ni Mayor Chan sa lokal ug nasudnong lebel.
Sa kataposan, giila ni Mayor Ahong ang gugma, pagsalig, ug suporta sa katawhan isip dakong bahin sa iyang kalampusan. “Nahimo nato kini tungod sa atong panaghiusa ug pagkahiusa isip usa ka dakbayan.
I via Renante Socia Lada