Nagpagawas og landslide warning ang Cebu Police Provincial Office (CPPO) sa Transcentral Highway sa Balamban tungod sa padayon nga kusog nga ulan nga dala sa bagyong Basyang.
Giingnan ang tanang motorista ug molabay nga magmatngon kay posibleng mahitabo ang pagdahili sa yuta.
Ang Cebu Police Provincial Office, gibutang sa heightened alert nunot ning hulga sa Bagyong Basyang. Naka andam na usab sa sa posibling epekto ug kadaot niini.
Gidani usab ang publiko nga likayan sa walay hinungdan nga pagbiyahe ilabi na kon kusog ang ulan ug limitado ang visibility.
Padayon ang panawagan sa kapulisan nga magtinabangay ang tanan sa pagpanalipod sa kinabuhi. Ang kaluwasan sa matag usa maoy prayoridad, busa magpabiling alerto ug sundon ang tanang pahimangno samtang nagpadayon ang epekto sa bagyong Basyang.
Source: CPPO
I via Renante Socia Lada