Nadakpan sa kapulisan ang usa ka 39-anyos nga lalaki nga gipasanginlan sa daghang kaso sa Lascivious Conduct ilawom sa Republic Act 7610 (Special Protection of Children Against Abuse, Exploitation and Discrimination Act).
Gidakop kini alas 6:30 sa gabii, niadtong Septembre 22, 2025, sa Barangay Sambog, Corella, pinaagi sa operasyon sa Corella Municipal Police Station uban ang Bohol Police Provincial Office (BPPO). Ang warrant of arrest gi-isyu ni Judge Samsun Ariel Chiang Cayetuna sa RTC Branch 3, Tagbilaran City, niadtong Septembre 19, 2025, nga adunay girekomendar nga piyansa na ₱200,000.
Ang suspetsado gikasohan og upat ka separate counts sa lascivious conduct. Ilawom sa balaod, matag kaso mahimong silotan og 14 tuig ug 8 bulan hangtod 17 tuig ug 4 ka bulan nga pagkabilanggo, ug kung mapamatud-an sa tanang kaso, posible kini moserbisyo og dugay nga sentensya depende sa desisyon sa korte.
Si PRO7 Regional Director PBGen Redrico A. Maranan mipasidungog sa mga pulis nga nakadakop sa suspetsado. Ang suspetsado karon anaa na sa kustodiya sa Corella MPS alang sa hustong disposisyon ug pagpresentar sa korte.
Source: PRO7- PIO
I via Renante Socia Lada