Patay ang usa ka 56-anyos nga lalaki human gipusil sa riding-in-tandem samtang natulog sa lantay daplin sa karsada sa Sitio Ponce 1, Barangay Carreta, Cebu City, pasado alas 5:45 sa buntag, Agosto 10, 2025.
Ang biktima nailhan nga si Alfredo Bernales, ulitawo ug residente sa Sitio Panagdait, Barangay 6, Ermita.
Sa inisyal nga imbestigasyon, miabot ang suspek nga giila nga si alyas “Ewok” ug gipangita ang biktima. Nakadungog og mga buto-buto sa armas ang mga silingan ug nakit-an na lang nga naglunang sa dugo si Bernales. Gidala kini sa Cebu City Medical Center apan gideklarar nga dead on arrival.
Base sa nakuhang impormasyon, dugay na diay target sa suspek ang biktima tungod sa reklamo nga kanunay kini makadispatso sa kita sa ginadiling drogas. Giingon nga kung makadisplako, motago kini ug mogawas ra kung malinaw na ang kahimtang. Makadaghang higayon na usab siya nga nadakpan sa kapulisan tungod sa iligal drogas.
Nagpadayon karon ang hot pursuit operation sa kapulisan aron madakpan ang mga mamumuno, samtang usa sa gituohang motibo sa krimen mao ang kalambigitan sa iligal nga drogas.
I via Renante Socia Lada