Hilak ug kaguol ang gibati sa usa ka lalaki human siya gi balhog sa prisuhan sa pasangil nga nanghinol sa 6 anyos nga batang babaye.
Nahitabo kini atong desperas sa pasko didto sa Sitio Zapatera, Barangay Luz, Siyudad sa Sugbo.
Ang suspetsado giila sa Mabolo Police Station na mao si alyas “Boyax”, 41-anyos, ulitawo, residenti rapud sa maong lugar.
Sa imbestigasyon sa kapulisan nasayran nga nisumbong sa inahan ang biktima nga gihilabtan ang pribado nga parti sa lawas sa bata sa maong suspetsado.
Apan hugtanong nilimod ang suspetsado kay matod pa wala daw niya gihinol ang pribado nga parti sa menor de edad.
Sa pagkakaron desidido ang inahan sa bata na mupasaka og kasong Acts of Lasciviousness in Relation to Republic Act 7610 (Special Protection of Children Against Abuse, Exploitation and Discrimination Act). (Renante Socia Lada)