Patay ang usa ka lalaki dihang gi respondihan sa mga kapulisan sa Compostela, human nakadawat ug report ang mga otoridad nga adunay nagpabuto ug armas sa Purok Mangga, Barangay Panangban, Compostela Cebu, kagabii alas 7:30 ang takna, Hulyo 3, 2024.
Giila ang suspek kinsa namatay human napusilan sa kapulisan mao si Joel Niño Castro Pareha, 34-anyos taga Purok Kamansi, Brgy. Panangban.
Sigun pa sa imbistigador sa Compostela Police, nakadawat sila ug tawag nga adunay nagpabuto og armas sa maong lugar og diha diha dayon ila kining girespondihan, pag-abot nila sa maong lugar, ilang nakit-an ang maong suspek ug ila kining gi negotiate aron pasurenderon apan ang suspek nibunot hinuon sa armas dayon gipamamusil ang mga pulis nga ni respondi.
Hinungdan nga nibawos sila sa pagpabuto ug naigo ang suspek, Dali usab nga ni tawag ang mga kapulisan ngadto sa MDDRMO Compostela aron madala sa tambalanan ang suspek, apan gideklarar sa attending physician nga si Dr. Rhoda Mae Chua ang Municipal Health Officer nga dead on the spot ang maong suspek.
Samtang ang kapulisan nanawag kini sa SOCO aron pagproseso sa crime scene. (Ting Joe Pepito | Renante Socia Lada)