Wala nay kinabuhi nga niabot sa tambalanan ang usa ka lalaki nga nagmotorsiklo human na dasmag sa sidecar.
Didto kini nahitabo sa National Highway, Barangay Tubigagmanok, lungsod sa Asturias, probinsya sa Sugbo, pasado alas 5:40 kagahapon sa hapon, Agosto 17, 2024.
Ang biktima giila sa Asturias Police Station na mao si Rave Joel Mata, 24 anyos ang panuigon, ulitawo, taga Barangay New Bago, lungsod sa Asturias, Sugbo.
Naila usab ang nagmaniho sa sidecar nga motor na mao si Ramil Noel Mondreza, 47 anyos, taga Purok Rizal 1, sa maong Brgy. ug lungsod.
Sa gihimo nga imbestigasyon sa kapulisan nasayran nga ang duha ka mga sakyanan nagbiyahi sa managlahing direksiyon diin sa pag abot na sa kurbadahong lugar nawad-an sa kontrol si Mata nga ni bangga sa gimaniho ni Mondreza.
Dali kining gitabang apan nabugtuan kini sa iyang kinabuhi. (Renante Socia Lada and Ting Joe Pepito)