Wala nay kinabuhi nga niabot sa tambalanan ang usa ka lalaki human gidunggabn sa minor de edad nga lalaki.
Didto kini nahitabo sa Sitio Luan-Luan, Barangay Poblacion 1, dakbayan sa Carcar, Sugbo, pasado alas 10:50 sa gabii, Hunyo 18, 2024.
Ang biktima giila sa Carcar City Police Station na mao si Cris Julius Alfafara Barangan, 38 anyos ang panuigon, ug ang gitumbok na suspetsado nagpanuigon og 17 anyos, pulos sila taga dakbayan sa Carcar.
Sa imbestigasyon sa kapulisan nasayran nga ang biktima og ang suspetsado nagdula og billiard sa maong lugar ug oras.
Kalit nilakaw ang suspetsado og sa iyang pagbalik nagdala na kini og hait na kutsilyo dayon dunggab ni Barangan sa nagkadaiyang parti sa iyang lawas na maoy hinungdan sa iyang kamatayon.
Ang kapulisan nagpadayon sa ilang hot pursuit operation batok sa mamuno nga daling nisibat sa human niya nabuhat ang maong krimin.
Gisuta pa usab kung unsay lawom nga hinungdan nganong gibuhat sa batan-ong lalaki ang krimin. (Renante Lada | Ting Joe Pepito)