Nakit-an sa nakalabay nga adlaw ang mga bukog sa usa ka 39-anyos nga lalaki nga nawala sukad niadtong April 2025 sa Calape, Bohol. Ang biktima giila sa pamilya nga si Reneto Labrigas, residente sa Brgy. Cabayugan.
Sumala sa report sa Calape PNP, ang mga bukog nadiskubre sa usa ka residente nga nangahoy sa lugar, ug dali dayon kini nga gi-report sa mga otoridad alang sa imbestigasyon.
Gipahibalo sa Scene of the Crime Operatives (SOCO) nga nakit-an usab ang usa ka pisi nga posibleng gigamit sa pagkutlo sa iyang kinabuhi, ug kini giapil sa ilang imbestigasyon.
Padayon ang imbestigasyon sa Calape PNP aron masuta ang tinuod nga hinungdan sa kamatayon ni Labrigas ug aron masiguro nga mapatuman ang hustisya alang sa pamilya sa biktima.
I via Renante Socia Lada