Nakabsan gyud sa kinabuhi ang usa ka lalaki nga adunay kabit human gipusil sa mismo nga anak sa iyang gikabit.
Nahitabo kini pasado alas 9:30 sa gabii, Nobyembre 13, 2023, didto sa Barangay Tapun, lungsod sa Dalaguete, probinsya sa Sugbo.
Ang biktima giila sa Dalaguete Municipal Police Station nga mao si Benvinido Ambrad Entice, 39 anyos ang panuigon, biyudo, residenti rapud sa maong lugar.
Naila usab ang suspetsado nga mao si Alvin Tangpos, 23 anyos taga didto rapud sa maong dapit.
Sa inbestigasyon sa kapulisan nasayran nga ang biktima uban sa iyang anak nag storya atong higayuna sa dihang naabot si Tangpos dayon pusil kaniya nga naigo sa ulo na maoy hinungdan sa kamatayon niini.
Gidudahan usab nga si Entice adunay kabit nga inahan sa suspetsado nga maoy hinungdan sa subrang kalagot niini.
via Renante Lada