Ang Coast Guard Station Camotes (CGS Camotes), Enero 9, 2025, ni responde sa usa ka Man Over Board (MOB) incident nga nahitabo sa dagat duol sa Consuelo, San Francisco, Camotes Islands.
Ang insidente nahilambigit sa barkong LCT POSEIDON 25, nga nagbiyahe gikan Mandaue City, padulong Ormoc, Leyte. Ang lokasyon sa insidente adunay gilay-on nga 3.9 nautical miles gikan sa baybayon sa San Francisco, Camotes.
Sa pag-abot sa Coast Guard Quick Response Team (QRT) sa Consuelo Port aron magsugod dayon sa Search and Rescue operation, diin usa ka mangingisda ang mitaho nga nakakita og patay nga lawas nga naglutaw sa kadagatan.
Sa imbestigasyon naila ang biktima nga mao si Teofilo Gonzales, 37-anyos, residente sa Hindang, Leyte.
Ang lawas sa biktima giturn-over sa MDRRMO San Francisco ug gipadayon ang koordinasyon sa PNP San Francisco alang aron masuta kung unsay hinungdan nganong namatay ang biktima. (Renante Socia Lada)