Daghan ang gi-kuyawan ug gi-kulbaan sa pagdaro sa usa ka service vehicle human ni dasmag kini sa dili muminos lima ka mga sakyanan.
Ang aksidenti nahitabo pasado 5:05 kagahapon sa hapon, Desyembre 19, 2023, didto sa FF. Zuellug St., Cor. A. Soriano Avenue, Barangay Centro, dakbayan sa Mandaue.
Ang suspetsado na driver na lalaki na gipugngan lang usa ang pangalan, nagpanuigon og 73 anyos,taga lungsod sa Liloan, Sugbo.
Duha ka mga nagbesiklita ang na dasmagan ug lima ka mga sakyanan ang gipangdaro sa among aksidenti.
Sa inbestigasyon gikan sa Mandaue City Police office pinaagi ni Police Lieutenant Colonel Rudolf Franco Oriol, tig pamaba sa MCPO, nasayran na giatake sa Hypo Gycemia ang driver sa nakadasmag na nalandig karon sa pribadong tambalanan.
Hinuon nipasalig ang pamilya sa suspetsado na muabaga sila sa tanang mga danyos human maka gawas sa tambalanan ang ilang amahan. (Renante Lada, photo courtesy of MCPO)