Wala nay kinabuhi nga napalgan ang usa ka lalaki nga adunay samad pinusilan. Pasado alas 6:00 sa buntag, Hulyo 5, 2023, didto sa Sitio Liptong, Barangay Jomgao, Lungsod sa Argao, probinsya sa Sugbo.
Ang biktima giila sa Argao Police Station nga mao si Jairo Camarillo, 22 anyos ang panuigon, residenti sa Brgy. Lamacan sa mao ra nga lungsod.
Sa inbestigasyon sa kapulisan nasayran nga nakit-an ang biktima sa usa ka lalaki nga nanugway sa iyang hayop sa maong lugar. Adunay samad pinusilan sa ulo ang biktima nga gituhu-ang gi salvage sa wala maila nga suspetsado.
Diin anang gabii nananghid pa kini nga mulakaw uban sa iyang barkada sa wala masuta nga lugar kung asa sila muadto.
Sa pagpaubos usab sa background check ni Camarillo nasayran nga kanhi kini nalambigit sa ginadiling drugas apan naka gawas tungod sa plea bargaining.
Sa pagkakaron nagpadayon ang inbestigasyon aron pagsuta sa motibo sa maong krimin.
(Renante Lada, photo courtesy by Argao Police Station)