Usa ka lalaki ang namatay human gitigbas sa iyang kainom pasado alas-12 sa kadlawon niadtong Sabado, Hunyo 21, 2025. Nahitabo ang insidente sa Sitio Bung-aw, Barangay Pondol, lungsod sa Balamban, Sugbo.
Ang biktima giila nga si Anecito Caputi Seras, 41-anyos, ulitawo ug taga-Sitio Cabitoonan sa Barangay Pondol. Ang suspek mao si Rosallo Belgar Poleros, 44-anyos, ulitawo usab ug lumolupyo sa samang lugar.
Base sa imbestigasyon sa kapulisan, nag-inom ang duha sa maong lugar apan nagka-away sila sa taliwala sa ilang tagay. Tungod sa kasuko, mikuha og sundang ang suspek ug gitigbas si Seras. Gidala dayon ang biktima sa tambalanan, apan wala na kini maluwas tungod sa grabe nga samad.
Dali usab nadakpan sa kapulisan ang suspek ug narekober ang sundang nga gigamit sa krimen. Padayon ang imbestigasyon sa kapulisan aron masuta ang tinuod nga hinungdan sa ilang panaglalis nga miresulta sa pagpatay.
I via Renante Socia Lada