Patay ang usa ka 47-anyos nga lalaki human gipusil sa iyang pag-umangkon sa Barangay Cuanos, Minglanilla, Cebu, niadtong Septyembre 6, 2025.
Ang biktima giila nga si Richard Sanchez Cansancio, byudo, samtang ang suspek mao si Klein Jay Abatayo Obcial, 40 anyos, usa ka construction worker. Samtang nagdula og bilyard ang biktima, kalit siyang gipusil sa suspek.
Base sa imbestigasyon, giingong nag-away na kaniadto ang duha tungod sa selos. Allegasyon nga adunay relasyon ang biktima ug ang kapuyo sa suspek mao’y hinungdan sa kasuko.
Human sa krimen, misibat ang suspek apan nadakpan dayon sa gilusad nga hot pursuit operation sa kapulisan. Usa ka testigo ang nakakita sa tibuok hitabo ug mitabang sa mga otoridad.
Karon, giandam na ang kasong murder batok sa suspek samtang ang pamilya sa biktima nagbangotan sa kalit nga kamatayon sa ilang paryente.
I via Renante Socia Lada