Nailhan na sa mga kapulisan sa Labangon Police Station ang lalaki nga gipusil patay sa Sitio tuburan, Barangay Punta Princesa, sa dakbayan sa Sugbo, kaganihang alas 4 sa kaadlawon, adlawng Biyernes, Hulyo 19, 2024.
Ang biktima giila nga si Joshua Sy, taga Sitio Callejon, Barangay Labangon Cebu City, kinsa naka angkon ug daghang samad pinusilan sa kalawasan.
Base sa imbistigayon nga gipahigayon sa Labangon Police Station, nailhan na usab nila ang mamumuno pinaagi usab sa saysay sa saksi sa maong pagpamusil. Ang biktima kalit lang gipusil sa suspetsado samtang nag inom sa maong lugar, apan ang biktima bisan pa ug naigo na sa iyang lawas nakahimo pa kini sa pag dagan, ug misuot sa sudlonon nga bahin sa Sition Tuburan, hinungdan nga gigukod kini sa suspek ug gitiwasan sa pagpusil makadaghang higayon nga miresulta sa hinanaling kamaton niini.
Wala gisalikway sa kapulisan nga drugas ang motibo sa pagpamusil, gumikan kay ang biktima nalambigit sa illegal nga drugas ug ang suspetsado usa usab ka drug personality. (Ting Joe Pepito & Renante Socia Lada)