Nakabsan gyud sa kinabuhi ang usa ka lalaki human gipusil sa wala matino na suspetsado samtang luwan sa iyang motorsiklo.
Ang krimin nahitabo didto sa Fuentes Road, Sitio Kabaloy Brgy.Pajac, dakbayan sa Lapu-Lapu, pasado alas 6:00 kagabii, Mayo 25, 2023.
Ang biktima giila sa Lapu-Lapu City Police Office nga mao si Elvis Ambos, 64 anyos ang panuigon, Presidenti sa usa ka Urban Poor Association sa maong Barangay, residenti sa Sitio Sacred Heart, Brgy.Pajac-Sulod, siyudad sa Lapu-Lapu.
Sa inbestigastion sa LCPO,Station 2, nga samtang nagbiyahi ang biktima sakay sa iyang motorksiklo gisundan kini dayon gipusil sa makadaghang higayon na maoy hinungdan sa iyang kamatayon.
Sa pagkakaron gipalawman pa sa kapulisan ang ilang inbestigasyon aron pagsuta sa motibo sa maong krimin ug ila usab ipaubos sa background check si Ambos kung aduna ba kini gikaaaway. (Renante Lada)