Nigawas sa discohan aron tumanon ang sugo sa lawas sa usa ka lalaki dihang nanisco atol sa ka fiestahan sa Purok Tambis, Sitio Sandayong, Barangay Cuanos, Minglanilla Cebu, kalit lang kining gipusil gamit ang kalibre 38. Revolver, niadtong, Hulyo 07, 2024 mga ala 1:48 ang takna sa kaadlawon.
Giila sa kapolisan ang biktima nga si Kerbie Caño Manayon, 24-anyos, lumolopyo sa nahigustang lugar ug ang namusil kaniya giila usab nga si Jennel Acusta Gomera.
Dali kining gidala sa tambalanan aron magpaalim sa samad pinusilan, samtang sa imbistigasyon sa kapolisan giingon nga si Manayon nisumbag sa amahan ni Gomera sulod sa maong discohan.
Hinungdan nga si Gomera nibawos kini ug nipusil ngadto kang Manayon, gamit ang kalibre .38 revolver, dihang nigawas sa diskohan aron tubagon ang sugo sa lawas (nangihi).
Nakaangkon og samad pinusilan si Manayon, sa iyang liog ug gidala sa Minglanilla District Hospital ug kasamtangan kining nagpaalim. (Ting Joe Pepito & Renante Socia Lada)