Human sa 9 ka adlaw nga pagka missing napalgang wala nay kinabuhi ang usa ka lalaki nga gipatay og semento sulod sa usa ka septic tank.
Napalgan kini kagahapon, Nobembre 3, 2023, didto kini nahitabo sa nahitabo sa lungsod sa Tudela, Isla sa Camotes, probinsya sa Sugbo.
Ang biktima giila sa Tudela Police Station nga mao si Marlon Belarmino, 40 anyos ang panuigon, residenti sa Barangay Villa Hermosa , lungsod sa Tudela.
Sa fb post ni Tudela Mayor Greman Solante nga matod pa gipadamgo ang igsuon sa biktima nga “Pangitaa Ko Ninyo, Naara Ko sa Duol”.
Si Belarmino 9 na ka adlaw nga na missing og gi post pa kini sa fb sa iyang igsuon nga nawala.
Nagbantay ang biktima sa kalubihan sa maong lugar nga wla na niuli pa sukad niadtong niaging buwan.
Sa initial nga inbestigasyon sa Tudela Police Station nasayran nga gitabangan og patay ang biktima dayon gi semento og gihulog sa karaan nga septic tank.
Sa pagkakaron gipaubos sa Autopsy ( o post mortem exam) ang biktima ug aduna napoy tulo ka person of interest ang kapulisan.
Gisuta pa usab karon kung unsay motibo sa brutal nga pagpatay sa biktima. (Renante Lada, photo courtesy of Tudela Mayor Greman Solante)