Wala nay kinabuhi nga napalgan ang usa ka barangay konsehal sulod sa iyang bangka sa mga residenti.
Didto kini sa Purok Lumboy, Sitio Sila, Barangay Granada, lungsod sa Boljoon, probinsya sa Sugbo, pasado alas 6:00 kaganihang buntag, Mayo 14, 2024.
Ang biktima giila sa Boljoon Police Station nga mao si barangay konsehal Alejandro Medes, hingkod ang panuigon, konsehal sa barangay Atabay, sa naasoy nga lungsod.
Sa imbestigasyon sa Boljoon Police Station nasayran nga ang maong konsehal usa usab ka mananagat nga nanagat atong higayuna.
Nagbuy-od kini tapad sa mga isda nga iyang kuha na wala nay kinabuhi.
Ang kapulisan padayon pa sa ilang imbestigasyon aron pagsuta kung unsay gikamatyan sa biktima. (Renante Socia Lada)