Usa ka malampusong buy-bust operasyon ang nahimo sa Police Regional Office (PRO-7) batok sa usa ka inilang durugista.
Mga binultong shabu ang nasakmit sa usa ka lalaki nga adunay timbang nga 1,031 gramos og standard drug value nga P7,010,800.00
Didto kini nasikop sa Purok Bougainvilla, Candau-ay, dakbayan sa Dumaguete, Negros Oriental, kagahapon sa kadlawon, Mayo 14, 2024.
Nigawas sa imbestigasyon nga ang dinakpan makabaligya og dili mominos tag 100 gramos sa shabu sa maong dakbayan ug mga silinganan lugar.
Gidayig ni Police Regional Director, PBGEN ANTHONY A ABERIN, ang mga sakop sa Provincial Drug Enforcement Unit, Provincial Intelligence Unit, ug Dumaguete City Police Station sa ilang dedikasyon ug paningkamot aron pagpakgang sa mga mga ginadiling drugas ug kriminalidad.
“Your PRO 7 is 24/7 on guard in all entry points to intercept supply of illegal drugs coming in Central Visayas. Our tracking systems are in place and we have competent anti-drug operatives scattered in the region for the purpose of methodically cutting-off supply routes. This is the kind of strategy we are adopting in consonance with the BIDA Program of Atty Benjamin Abalos Jr and pursuant to the instructions of the CPNP”, matod ni PBGen. Anthony Aberin, PRO-7, Regional Director.
Sa pagkakaron ang suspetsado anaa sa kustodiya sa kapulisan samtang giandam ang tukmang kaso. (Renante Socia Lada)
(Source: PRO-7)