Nakigkita ang mga representante sa Century Pacific Food, Inc. kang Gob. Pamela Baricuatro niadtong Marso 12, 2026 aron hisgutan ang posibleng panag-uban sa pagtabang pagsulbad sa problema sa kagutom sa Cebu Province.
Sumala sa gihisgutan sa tigum, plano nga magpatuman og supplementary feeding programs ug magtukod og community kitchens aron matabangan ang mga pamilya nga nanginahanglan og pagkaon, ilabi na sa mga komunidad nga lisod ang kahimtang.
Ang maong programa ipatuman uban sa tabang sa Simply Share Foundation nga nagdumala og lain-laing feeding programs aron masuportahan ang mga komunidad nga nanginahanglan og tabang sa pagkaon.
Gidawat ni Gob. Baricuatro ang maong plano ug miingon nga dako kini’g tabang sa iyang kampanya batok sa kagutom sa probinsya. Matod pa niya, ang pagserbisyo aron masiguro nga adunay pagkaon ang matag pamilya usa ka importante ug makahatag og dako nga katagbawan nga buluhaton.
Source: Cebu Province PIO
I via Renante Socia Lada