Lain na usab nga mga binultong shabu ang nasakmit sa kapulisan sa Cebu City Police Office (CCPO) ug sa Philippine Drug Enforcement Agency (PDEA-7).
Kagahapon sa hapon, atol sa SONA ni PBBM, nilusad og usa ka buybust operation ang mga operatiba didto sa Sitio Proper, Barangay Pulangbato, siyudad sa Sugbo.
Ang suspetsado nga nadakpan giila sa mga otoridad nga mao si Jundam Dacalos, 37 anyos ang panuigon, walay trabaho, residenti sa Sitio San Vicente, Barangay Bulacao, dakbayan sa Sugbo.
Nakuha sa iyang position ang mga binultong shabu nga adunay street value nga P6.9 milyon.
Si Dacalos kanhi napriso og nibalik sa paglambigit sa ginadiling drugas diin matud pa niya tungod sa kalisud maoy nagtukmod na mamahimong runner sa ginadiling drugas.
Gisuta pa karon sa kapulisan kung si kinsa ang tig supply og ginadiling drugas sa dinakpan ug giandam na usab ang tukmang kaso batok kaniya. (Renante Lada, photo credits to the owner)