Human nasikop sa follow-up operation si Patrolman Jaymar Exequiel sa iyang mga kaubanan na polis gihan-ay na karon ang tukmang kaso batok kaniya.
Matod ni Police Regional Office 7, Brigadier General Anthony Aberin na ang suspetsado mag atubang og kasong Criminal ug Administrative human niya nabuhat ang pagpanulis.
Si Exequiel maoy suspetsado na nitulis sa Multipurpose Cooperative, didto sa Luray II , siyudad sa Toledo niadtong Enero 12, 2024, pasado alas 10:46 sa buntag, diin nadala niya ang P200,000 na kwarta.
Nasayran na si Patrolman Exequiel sakop sa Toledo City Police Station ug augmented para sa Sinulog 2024 sa Sugbo.
“This swift arrest and resolution manifests our desire to solve the case and the suspect will face dismissal from the service as well as imprisonment for his criminal offense.”, matod ni PBGen Aberin.
Pasalig sa Director sa publiko na hugot ang monitoring sa maong kaso ug ipahamtang gyud ang tukmang silot.
Sa pagkakaron gi ayo usab pag bantay ang suspetsado na polis human nisulay kini pagkutlo sa iyang kinabuhi sulod sa prisuhan. (Renante Lada, photo courtesy of PRO-7)