Nagpadayon karon ang gihimo nga imbestigasyon sa Balamban Police Station kalabot sa pagpusil patay sa magsuon pulos panday.
Ang krimin didto nahitabo sa Sitio Abante, Barangay Hingatmonan, Lungsod sa Balamban, Sugbo, pasado alas 4:20 sa niaging hapon, Oktobre 4, 2024.
Ang mga biktima giila sa Balamaban Police Station na mao sila si Pil Pepito, 38 anyos, menyo, residenti sa Baramgay Tag-amakan, Lungsod sa Asturias, Sugbo ug Samson Pepito, 30 anyos, ulitawo, taga Sitio Camancelis, Barangay Cabagdalan, sa mao ra nga lungsod.
Sa imbestigasyon duha ka riding in tandeem ang luwan sa motorsiklo na color blue, nagsuot og jacket nga itom na maoy nipusil sa mga magsuon sa maong lugar.
Human nakita sa mga suspetsado nga nagbuy-od ug naligo sa kaugalingong dugo ang magsuon, dali kining nisibat palayo sa maong lugar.
Sa pagkakaron padayong gipangita sa kapulisan ang mga mamumuno ug ila usab gisuta kung unsay motibo sa maong krimin. (Renante Lada and Ting Joe Pepito)