Padayon karon ang imbestigasyon sa Lapu-Lapu City Police Office sa nahitabong aksidenti na adunay usa ka construction worker ang natagakan sa precast concrete wall.
Didto kini nahitabo sa usa sa mga gitukod nga subdivision sa Barangay Gun-ob, dakbayan sa Lapu-Lapu, niadtong nakalabay na adlaw, Hunyo 19, 2024.
Ang nakalas giila sa kapulisan sa LCPO na mao si Joseph Alvaro Salburo, 39 anyos ang panuigon, menyo taga Barangay Matab-ang, dakbayan sa Toledo.
Naila usab ang suspetsado nga crane operator na mao si Oliver Navarro, 39 anyos, taga Barangay Masaba, siyudad sa Danao.
Nasayran sa gihimo nga imbestigasyon nga ang operator sa crane nag karga og mga binuhat na daang sawod na aksidenting natagak na naigo si Salburo na maoy hinungdan sa iyang kamatayon.
Sa pasi-unang imbestigasyon nitumaw nga posibling nasayop sa pag kuwentada ang nagmaniho sa crane sa gikarga niini nga adunay gibug-aton nga 600 kilos na maoy hinungdan nga natagak kini na gikamatay sa biktima.
Padayong gitanggong ang suspetsado samtang gisusi pa usab ang mga dokyumento sa maong kontractor, operator sa crane ug uban pa, aron pagsuta kung adua ba sila’y nahimong kalapasan. (Renante Lada | Ting Joe Pepito)