Aron mas mapaayo ang kahimtang sa disaster preparedness ug pagplano sa kaluwasan, plano sa Probinsya sa Sugbo ang pag-relaunch sa Project NOAH, usa ka hazard-mapping ug disaster assessment program nga unang gipasiugdahan sa panahon ni kanhi gobernador Hilario Davide III.
Sumala ni Assistant Provincial Administrator Aldwin Empaces, gikinahanglan na karon nga i-update ang datos sa Project NOAH tungod sa dagkong kausaban sa yutang kabahin sa Cebu sa milabayng mga tuig. Gipasabot niya nga base sa pinakabag-ong rekord sa Cebu Protected Landscape, gikan sa 28,000 ka ektarya, hapit 10,000 ka ektarya o 30 porsyento niini ang nagamit na sa ubang katuyoan, sama sa pagpanguma ug pagtukod sa mga struktura.
Gipasabot ni Empaces nga kini makita sa pipila ka bahin sa Barangay Sudlon ug Bonbon, diin ang mga lasang napulihan na sa mga tanom sa uma.
Ang bag-ong bersyon sa Project NOAH gitakdang magamit sa mas episyenteng hazard detection, flood mapping, ug risk management, nga makatabang sa mga lokal nga pangagamhanan sa pagplano ug pagpangandam sa panahon sa kalamidad.
Pinaagi sa maong inisyatiba, gipakita sa Probinsya sa Sugbo ang determinasyon nga dili lang maghulat sa katalagman apan mag-andam daan aron masiguro ang kaluwasan ug kalig-on sa mga komunidad sa tibuok probinsya.
I via Renante Socia Lada