Giadto ni Cebu Gov. Pamela Baricuatro ang Carcar City kagahapon Nobyembre 25, 2025 aron personal nga tan-awon ang kadaut nga gisang-at sa pagbaha tungod sa Tropical Depression Verbena ug aron ipahatud ang inisyal nga tabang sa mga residente.
Kauban niya si Mayor Patrick Barcenas sa pag-inspeksiyon sa mga apektadong lugar, lakip na ang Sitio Luanluan spillway sa Poblacion 1 nga usa sa labing naapektuhan sa kusog nga tubig.
Sa mando sa gobernador, ang Provincial Social Welfare and Development Office (PSWDO) midali og hatag og hinabang, lakip ang 1,000 ka hot meals, 1,000 ka bottled water, ug 1,000 ka family food packs alang sa mga biktima sa baha.
Inubanan usab sa gobernador ang pag-apod-apod og prophylactic antibiotics isip preventive health measure. Gihatagan ang Carcar City Health Office og 150 ka boxes, samtang ang Super Health Center ug Carcar City Hall nakadawat matag 30 ka boxes alang sa mga emergency responders ug empleyado.
Human makadungog sa report ni Mayor Barcenas bahin sa minor structural damage ug preemptive evacuations, misulti si Gov. Baricuatro nga ang probinsya motutok sa pag-ila sa tinuod nga hinungdan sa pagbaha ug maghimo og long-term solutions aron dili na kini mausab.
Giduaw usab sa gobernador ang Carcar City Provincial Hospital nga naapektuhan sa pagbaha aron tan-awon ang ilang panginahanglan ug paghatod og dugang nga prophylaxis.
Source: Cebu Province PIO
I via Renante Socia Lada