Sukad Oktubre 1, 2025, ang Probinsyal nga Gobyerno pinaagi sa Cebu People’s Action Center (CPAC) nakapanghatag na ug 130,974 ka init nga pagkaon ngadto sa mga indibidwal ug pamilya nga naapektuhan sa lain-laing katalagman.
Gikan sa linog sa Bogo City ug Bagyong Tino hangtod sa bag-ohay lang nga Tropical Depression Verbena, ang mga responder sa CPAC ang nag-una sa paghatud dayon sa tabang ngadto sa mga komunidad nga labing nanginahanglan.
Pinaagi sa mobile kitchen sa Kapitolyo ug pagluto diretso sa lugar sa kalamidad, mas paspas ug mas episyente ang pagserbisyo, ug masiguro nga init ug presko ang pagkaon nga maabot sa mga biktima.
Kini nga inisyatiba kabahin sa lig-on nga disaster response program ni Gov. Pamela Baricuatro, nga nagtinguha nga walay Cebuano nga mag-antos sa kagutom human dayon sa usa ka krisis, mihatag kini dili lang tabang, kondili kahupayan ug dignidad sa pinaka lisod nga panahon.
Source: Cebu Province PIO
I via Renante Socia Lada