Gisiguro ni Dr. Nikki Catalan, Piso Public Health Consultant sa Kapitolyo, nga igo pa ang suplay sa tambal ug medikal nga gamit sa Cebu Provincial Hospital (CPH)–Bogo, bisan pa sa kahadlok ug kabalaka sa mga pasyente nga mubalik sa sulod sa ospital human sa linog.
Sumala ni Dr. Catalan, bisan naklaro na sa mga lokal nga awtoridad nga luwas gamiton ang ubang parte sa ospital, daghang pasyente gihapon ang nagdumili tungod kay traumado pa ug nagkalisod mosalig tungod sa padayong mga aftershocks.
Karon, gigamit ang auditorium sa ospital isip temporaryong OB-GYN ward, delivery room, ug neonatal intensive care unit (NICU), samtang ang outpatient department (OPD) gihimong temporary operating room. Ang mga grabe nga kaso gipadala sa Vicente Sotto Memorial Medical Center (VSMMC) ug uban pang pribadong ospital aron matagad dayon.
Samtang ana pa, ang mga medical frontliner sa CPH-Bogo nagsugod na og psychological debriefing nga gihimo sa mga eksperto gikan sa VSMMC Behavioral Team, ug gilauman nga moabot usab ang laing grupo gikan sa Department of Health (DOH)–Manila aron motabang sa mental health sa mga apektadong empleyado.
Ang maong programa gitumong aron tabangan ang mga trabahante sa ospital nga grabe ang pagbati human sa trahedya, ilabi na kadtong adunay personal nga kaila nga nawad-an sa kinabuhi atol sa linog.
Source: Cebu Province PIO
I via Renante Socia LadaDONASYON ALANG SA MGA BIKTIMA SA LINOG SA CEBU, MIKABAT NA SA KAPIN ₱74 MILYONES
Padayon ang pag-awas sa kalooy ug pagtinabangay sa mga Sugbuanon ug sa mga tumong tabang gikan sa ubang lugar aron masuportahan ang mga biktima sa linog nga miigo sa amihanang bahin sa Sugbo niadtong Septiyembre 30.
Base sa pinakabag-ong datos sa Provincial Information Office (PIO), ₱74,195,055.48 na ang total nga kwarta nga nadawat, samtang ₱9,056,455.90 ang kantidad sa mga donasyong in-kind sama sa pagkaon, tubig, ug uban pang panginahanglanon. Kini nagpakita sa buhi nga diwa sa “bayanihan” nga gihuptan sa mga Sugbuanon.
Sumala sa Kapitolyo, gamiton ang maong mga pondo alang sa mga rehabilitation projects, lakip na ang ayo sa mga linya sa tubig (pipelines), pagtukod og smart houses nga magsilbing temporaryong opisina sa mga LGU ug puy-anan sa mga biktima, ug pag-ayo sa mga nadaot nga kalsada ug tulay.
Nagpasalamat usab ang Provincial Government of Cebu sa tanan nga nagpakita og gugma ug suporta alang sa pagbangon sa lalawigan.
Source: Cebu Province PIO
I via Renante Socia Lada