Unang nataho sa City of Talisay Traffic Operations and Development Authority (CT-TODA) nga adunay nahitabong disgrasya didto sa Sitio Kambawog, Barangay Kampo 4, dakbayan sa Talisay, kagahapon sa buntag, Pasado alas 10:00, Hunyo 21, 2024.
Usa ka tangkal-tangkal ang nahulog sa maong dapit na gituhuang nahitabo kini atol sa pagbunok sa kusog na uwan niadtong nakalabay na gabii.
Gumikan sa kahabog sa maong lugar dugay na diskubri-an ang disgrasya na adunay usa ka babaye nga nakalas nga wala naila kay walay kini gidalang ID.
Adunay naangol nga adunay samad sa ulo na mao si Jerome Sabal nga taga Barangay Quiot, siyudad sa Sugbo, basi sa ID nga nakuha sa iyang position.
Sa imbestigasyon sa Talisay City Police Station nahulog ang maong tangkal-tangkal sa gilawmon nga 200 metros.
Si Sabal ang nagmaniho ug sakay niya ang babaye nga nakalas og ang batang lalaki nga naluwas.
Sa pagkakaron padayon pa ang imbestigasyon sa kapulisan sa maong aksidenti na nikalas og usa ka kinabuhi. (Renante Lada | Ting Joe Pepito)