Nikabat sa P28.4 milyon nga balor sa mga ginadiling drugas ang nasakmit sa Police Regional Office 7 sa usa ka semana nga operasyon.
Niabot usab og 464 ka mga suspetsado ang nasikop sa mga managlahing krimin lukop rehiyon 7.
Gidayig ni PBGen. Anthony Aberin ang iyang mga sakop sa way hunong na kampanya batok ginadiling drugas ug kriminalidad.
Ang maong operasyon sugod niadtong Hunyo 16 hangtod Hunyo 22, 2024, nikabat sa 4,188.70 gramos sa shabu ang ilang nasakmit ug 155 ang nasikop na nalambigit sa maong ilegal na kalihukan.
Sa ilegal usab na sugal niabot ngadto sa 186 ka mga suspetsado ang napusasan og P19,139.00 nga kwarta ang gigamit sa maong sugal ang nasakmit.
Samtang 71 usab ka mga illegal nga armas ang nasakmit sa kapulisan batok sa mga nagkupot og dili lisensyadong armas.
Sa mga wanted person usab nikabat ngadto sa 103 ang na dakpan sa managlahing kaso.
“In this intricate fight against illegal drugs, nobody should be neutral. It’s either you are with us or you are with the enemy. Let us wage a comprehensive and well-coordinated fight against this menace for future generations,” segon ni PBGen. Anthony Aberin. (Renante Lada)
(Source: PRO-7)