Cebu City- Gibutyag sa Philippine Drug Enforcement Agency Central Visayas (PDEA-7), pinaagi ni Director Levi Ortiz nga duna nay 1,057 ka mga barangay sa rehiyon nga na drug cleared sa Disyembre 2022.
Matod ni Ortiz nga wala kini magpasabot nga mo hunong ang ilang programa, tungod kay nagkinahanglan kini ug padayon nga monitoring, dili lang sa PDEA-7 personnel, lakip na sab sa local government.
Gipahibaw sab sa director nga naa nay na certified nga 116 unaffected barangay.
“Kaning unaffected barangay meaning to say before pa gyud drugas, wa gyuy mga drug personalities nga na identified ani nga mga barangay, and until now wala gyud. So gi certify nato nga until now unaffected sila, matod ni Director Ortiz.
Gipasabot niini nga drug free gyud ni sila kay wa may drug personalities.
Sigon pa sa opisyal nga kasagaran gyud sa ilang mga certified nga unaffected naa sa Siquijor nga mikabat ug 27 ka barangay.
“Sa Cebu City walay unaffected, affected gyud tanan. Pero ang the good news of Cebu City kugihan kaayo ang ilang LGU. In fact, 11 na kabook ang atong na drug cleared nga barangay sa Cebu City. This is not an easy task considering ang Cebu City is the “center of gravity” gyud sa drug problem,” update ni Ortiz sa sitwasyon sa Sugbo.
Gikompara niya nga kaniadto ang affectation naa sa 97 percent, karon 60.94 percent na lang.
“Kining barangay drug clearing is whole of nation approach, meaning ang tanan nagtinabangay, from the government agencies, LGUs and the community-tabang tabang gyud tanan aron ma achieve ang drug-cleared barangay,” dugang pasabot sa opisyal.
Gipaklaro sab ni Ortiz nga kining mga drug cleared barangay it will not stop there; diha na magsugod na gyud sa pag monitor, pag sustain sa drug-free status.
Nagkanayon kini nga kung naay mo ingon nga kanang barangaya nganong clear man na nga naa may nahibaw-an nga drug pusher or drug user,ila dayon kining aksyonan.
Once aksyonan nila, ang status ana, ila gihapon nang ma retain.
Pero ug ang maong barangay mobalik gyud ang mga personalities, pwede i revert sa PDEA as drug affected barangay.
“Ang affected barangay o wala pa ma clear, meaning to say wala pa ma account ang mga drug personalities; Kung drug-cleared na gani siya tanang mga known drug personalities sa barangay, nahibaw-an na nato and accounted for and nahatagan na nato ug proper intervention measures,” pag kompara ni Ortiz.
“For example ug manggamitay sila, so ni surrender sila sa barangay unya ni undergo sila ug community-based drug rehabilitation program or depende sa assessment sa barangay ug unsay angay nilang intervention program, “ug drug pusher sila either nadakpan sila, ni surrender sila ug ni undergo ug Balay Silangan,” pagpasabot sa director.
Alang ni Ortiz nga ang naka nindot sa Dakbayan sa Sugbo, kay naa kini Balay Silangan Center ug aktibo pod ang mga Local Government Officials.
Ang Balay Silangan alang kini sa treatment ug reformation saq mga drug pusher; sigon pa ni Ortiz nga kadtong ni surrender nga drug pushers, nadakpan nya ni plea bargain, ang judge pwede siya mo ingon nga adto mo sa Balay Silangan pag undergo mo ug rehabilitation/reformation program, ug gi monitor kini.
Target sunod tuig
Target nila next year nga kining remaining barangays as much as possible kinahanglan ma clear gyud.
“..ug dili mahimo, dili ma clear tanan, we are hoping and we are praying nga ang next administration i sustain na lang gyud ang barangay drug clearning program kay mao ni nakita nato nga pinaka effective nga pamaagi, dili man mahunong totally pero ma menus gyud nato ang supply sa druga, panglantaw sa PDEA.
Once nga ang usa ka barangay ma drug cleared meaning to say naa silay mga mekanismo, mga proseso nga ma monitor gyud nila ang mga tawo, mga personalities sa barangay. So maglisod gyud ug sud ang druga.
Source/Photo: PDEA-7