Kapin sa 100 ka bata nga nakigbatok sa cancer — gikan sa 1-anyos nga 3 ug hangtod sa 18-anyos nga mga tinun-an mao ang nakadawat sa kalipay atol sa “Shine Bright, Little Stars: Pasko ng Batang Bayani,” nga gipahigayon sa Vicente Sotto Memorial Medical Center (VSMMC). Ang maong selebrasyon nagtapok sa mga donors, doctors, volunteers, ug pamilya aron pasidunggan ang kaisog sa mga young cancer warriors ug hatagan sila’g mubo nga pahiyom karong panahon sa Pasko.
Ang kalihokan gipangulohan sa International Association of Lions Clubs isip main sponsor, uban sa dugang suporta sa daghang doktor lakip si Dr. Nikki Catalan, Capitol Piso Health Consultant, nga aktibong mitabang sa pagdawat ug tabang alang sa pediatric cancer patients.
Nakadawat ang mga bata ug pagkaon, gift bags, treats, ug dagkong premyo atol sa programa. Naghatag usab ug dako’ng katawa ang lain-laing duwa ug kalihokan, bisan sa mga bata nga klarong gikapoy sa ilang mga pagtambal. Gipasidunggan usab ang mga bata nga mi-kompleto o “mi-graduate” sa chemotherapy ug uban pang awards alang sa ilang kaisog ug pagkamalahutayon.
Sa kini nga panahon sa pagtinabangay, nag-awhag ang VSMMC sa publiko nga mutabang pinaagi sa donasyon, ilabi na alang sa transportation allowance, tambal nga wala masakop, ug ubang pang kinahanglanon nga makatabang sa mga “little stars” ug ilang pamilya.
Source: Cebu Province PIO
I via Renante Socia Lada