Usa ka high-value drug suspek ang nasikop sa kapulisan sa Region 7 ug kapin ₱1 milyon nga kantidad sa gituhuang shabu ang nasakmit sa usa ka buy-bust operation sa Barangay Mambaling, Cebu City, niadtong Hunyo 12, 2025.
Ang operasyon gipangulohan sa City Drug Enforcement Unit sa Cebu City Police Office (CCPO) ug misangpot sa pagdakop sa usa ka 30 anyos nga lalaki nga residente sa Barangay Duljo-Fatima.
Narekober gikan sa suspek ang mga heat-sealed plastic pack nga adunay sulod nga gituhuang shabu, ang buy-bust money, ug mga drug paraphernalia. Ang mga ebidensiya giluwatan sa Regional Forensic Unit 7 alang sa laboratory examination.
Ang suspek karon gikustodiya na sa CCPO ug pasakaan og kasong paglapas sa Sections 5 ug 11, Article II sa Republic Act 9165 o ang Comprehensive Dangerous Drugs Act of 2002.
Gipadayag ni PBGEN Redrico A. Maranan, Regional Director sa PRO-7, ang iyang pasalamat sa iyang mga sakop.
Gihangyo usab sa kapulisan ang katawhan nga magpadayon sa pakigtambayayong sa ilang kampanya kontra drogas.
Source: PRO7
I via Renante Socia Lada