Nahagba ug naligo sa kaugalingong dugo ang usa ka lalaki nga kanhi nalambigit sa ginadiling drugas human gipusil sa wala matino na suspetsado.
Pasado alas 11:00 kagabii, Nobyembre 27, 2023, nahitabo ang pagpamusil didto sa Sitio Huyong-huyong Barangay Mambaling, siyudad sa Sugbo.
Ang biktima giila sa Mambaling Police Station nga mao si Engelbert Navarro Atilano, 24 anyos ang panuigon, nagpuyo rapud sa maong Barangay.
Sa inbestigasyon nga samtang nag duwa og computer ang biktima giduol kini sa duha ka mga tawo dayon gipusil na maoy hinungdan sa iyang kamatayon.
Nasayran usab nga si Atilano kanhi ni drug surenderee sa maong lugar.
Sa pagkakaron nagpadayon ang inbestigasyon sa kapulisan aron pagsuta kung unsay motibo sa maong krimin ug si kinsa usab ang mga responsabli niini. (Renante Socia Lada, photo credits to the owner)Â