Patay ang usa ka kanhi magtutudlo sa Negros Oriental State University (NORSU) ug police officer, nga si Patrolman Carlo Tachado Bayato, 28-anyos, human siya nabanggaan sa usa ka SUV alas 4:23 sa kadlawon Desyimbre 1, 2024 sa Gov. Cuenco Avenue, esquina J. Panis Street, dapit sa utlanan sa Barangay Kasambagan ug Apas, Cebu City.
Si Bayato, lumad nga taga Guihulngan, Negros Oriental, ug residente sa Cubacub, Mandaue City, dihang nisakay sa iyang Nmax motorcycle, aksidenteng nabanggaan ang usa ka traffic enforcer nga si Cesar Silva, 31 anyos, sakop sa Road Management Authority.
Samtang ang duha nagbuy-od sa kalsada human sa unang insidente, ang Hyundai subcompact SUV nga gimaneho ni Luziane Marron Uy Ty, 22-anyos, nidasmag kanila. Si Bayato ang pinakagrabe nga naigo, hinungdan sa iyang pagkamatay.
Ang Math Department sa NORSU Guihulngan Campus nipadayag sa ilang pahasubo alang sa ilang kanhi estudyante ug magtutudlo:
“Today, we honor the life and legacy of our beloved BSED Math alumnus from NORSU Guihulngan Campus. Our thoughts and prayers are with the family of our cherished BSED Math alumnus, batch 2017-2018, who passed away through a vehicular accident. Your passion for teaching, dedication to students, and service as a devoted police officer will never be forgotten. Rest in Paradise, Sir Carlo.”
Padayon ang imbestigasyon sa kapulisan sa maing aksidenti og giandam ma usab ang tukmang kaso. (Renante Socia Lada)