Nakuhulog gyud sa mga kamot sa otoridad ang usa ka kanhi nga gwardya nga nagpayuhot og ginadiling drugas.
Huwebis sa gabii, Agosto 3, 2023, didto sa Sitio Puntod, Barangay Mambaling, siyudad sa Sugbo.
Giila sa Mambaling Police Station ang suspetsado nga dinakpan nga mao si Kenneth Tapaya, 23 anyos ang panuigon, residenti sa Sitio Zone 6 Engaño, Barangay Buaya, dakbayan sa Lapu-Lapu.
Nakuha sa iyang position pinaagi sa usa ka buy-bust operation ang mga binultong shabu nga adunay timbang nga 2,050 grams ug street value nga P13.9 milyon.
Sa inbestigasyon sa Mambaling Police Station nasayran nga sa siyudad sa Sugbo itagak ang mga ginadiling drugas sa dinakpan.
Sa pagkakaron nagpadayon ang inbestigasyon sa Cebu City Police Office kung si kinsa ang tig supply sa ginadiling drugas ni Tapaya ug giabdam na usab ang tukmang kaso niini. (Renante Socia Lada, photo courtesy of CCPO)
