Gumikan sa pagsulbong sa kaso sa Covid-19 Virus nga halos magtulo na katuig naapiktuhan usab ang mga kalihukan sa kapisyahan ni Señior Santo Niño.
Sa Press Statement nga gipagawas sa Augustinian Friars of the Basilica Minore del Sto Niño de Cebu nasayran nga ang mga kalihukan sa umaabot kapistahan ni Señior Santo Niño karong Enero 2023 mahibalik na sa naandan.
Isaulog ang ika 458th nga fiesta Señior sa Sugbo ubos aning mga kalihukan:
Enero 5, 2023 – Opening Salvo Walk with Jesus
Enero 5-14, 2023 – Novena Masses
Enero 13, 2023 – Walk with Mary
– Traslacion to Mandaue City
Enero 14, 2023 – Traslacion to Lapu Lapu City
– Fluvial Procession
– Reenactment
– Solemn Foot Procession
Enero 15, 2023 – Feast Day
Enero 20, 2023 – Adlaw sa Hubo
Ning pagbalik sa mga kalihukan sa kapistahan gihangop kini sa mga Sugbuanon lakip na usab ang mga deboto sa Balaang Bata.
Suportado usab kini ni Cebu City Mayor Michael Rama nga ibalik na ang tinu-ig nga kapistahan ni Señior Santo Niño sa Sugbo.
Andam na usab ang kapulisan sa Cebu City Police Office nga mubantay para sa kahapsay ug kalinaw sa umaabot nga kalihukan. (Renante Lada)
(News & photo courtesy of Basilica Minore del Santo Niño de Cebu)