Gidayig ni Department of Education (DepEd) Assistant Secretary (Asec) Francis Cesar Bringas ang kagamhanan sa dakbayan sa Sugbo sa pag-host niini sa Palarong Pambansa 2024.
“As early as now, we congratulate the City of Cebu for the excellent hosting of Palarong Pambansa 2024. You did not fail us.” matod ni ASec. Bringas.
Gisulti kini niya daan bisan kung wala pa nahuman ang Palaro kay aduna pay mga duwa karon ug ugma ug ugma sa hapon pa ang closing ceremony, nga pagahimuon gihapon sa Cebu City Sports Center.
Segon ni Asec Bringas, dili magmalamposon ang hosting sa Cebu City sa Palarong Pambansa kon wala usab kini paluyohi sa sa pribado ug pampublikong sektor.
Lakip sa iyang gipasalamatan kagabii mao si Mayor Michael L. Rama, nga matud pa niya maoy naningkamot nga ma-award gyud sa Cebu City ang hosting atol sa bidding process, ug ingon man si Acting Mayor Raymond Garcia nga maoy iyang kaabag sa pagpaningkamot.
“I would like to acknowledge Mayor Mike Rama for doing half of the work. Naghati-hati sila ni Acting Mayor (Garcia),” ingon niya. (Renante Socia Lada)
(Source: Cebu City PIO)