Gipahibalo ni Acting Governor Glenn Soco nga suspendido ang klase sa tanang lebel sa public ug private schools sa tibuok probinsya sa Sugbo, sugod alas 7:00 sa buntag sa Pebrero 5, ug magpadayon hangtod sa sunod nga pahibalo.
Ang maong desisyon gihimo isip preventive measure tungod sa Typhoon Basyang nga posibleng makaapekto sa kahimtangan sa panahon sa probinsya. Tumong niini nga malikayan ang bisan unsang peligro nga mahimong atubangon sa mga estudyante, magtutudlo, ug ginikanan.
Sumala sa Acting Governor, kaluwasan sa katawhan ang unang prayoridad sa lokal nga kagamhanan. Busa gihangyo ang tanan nga magpabiling alerto ug mag-andam sa posibleng epekto sa bagyo, ilabi na ang kusog nga ulan ug baha.
Giduso usab sa kapitolyo ang padayon nga pakig-coordinate sa mga lokal nga mga pangulo ug disaster response teams aron masiguro nga andam ang tanang ahensya sa pag-atubang sa bisan unsang emerhensiya nga mahitabo.
Samtang nagpadayon ang pagmonitor sa kahimtangan sa panahon, gihangyo ang tanang Sugboanon nga mag-amping, magtinabangay, ug sundon ang mga pahimangno sa otoridad alang sa kaluwasan sa tanan.
Source: Acting Gov. Glenn Soco
I via Renante Socia Lada