Sa Memorandum of Agreement, gipirmahan ni Mayor Jonas Cortes ug kadagkoan sa Maayo Hospital ang paghatag og dekalidad nga Healthcare Services sa mga Mandauehanon.
Ang Mandaue City maoy moabaga sa gastohan sa mga pasyente nga Mandauehanon nga maserbisyohan sa Maayo Hospital pinaagi sa City Social Welfare Services.
Sa Maayo Hospital libre ang admission, laboratories, MRI, CT scan ug uban pang diagnostic procedures ug uban pang emergency services.
Ang mga pasyente nga mangayo og tabang medical, gikinahanglan una mo duol sa Mandaue CSWS alang sa mga gikinahanglan nga requirements sama sa Letter of Authority.
Sa Mandaue City, gihatagan ni Mayor Jonas Cortes og prayoridad ang pagtabang sa mga pasyente nga nagkinahanglan og serbisyong medical.
Gusto sa Mayor nga mapalapdan ang programa pinaagi sa pakig-alayon sa uban pang mga pribadong hospital sa Mandaue City.
Samtang ang Mandaue City Hospital gitrabaho na usab ang dugang pa nga mga pasilidad.
Sa nasayran, una nang gihimo ni Mayor Jonas Cortes ang pagpalambo sa Eversely Child Sanitarium and General Hospital alang sa dekalidad nga medical nga serbisyo. (Renante Socia Lada)
(Source: Mandaue City PIO)