Tungod sa paglikay sa driver sa delivery van aron dili maligsan ang usa ka iro, siya na hinuon ang nadasmag ug nalimbuwad, nahitabo kining maong disgrasya didto sa Barangay Putat, Tuburan Cebu mga alas 6:43 sa sayong buntag, adlaw’ng Biyernes, Hulyo 12, 2024.
Matud pa sa driver nga iyang gilihayan ang maong iro aron dili maligsan apan wala na niya makontrol ang manubela ug nidiritso kini ngadto sa poste sa solar ug sa koral sa panimalay nga gipanag-iya sa usa ka konsehal sa nasampit nga lugar.
Wala hinuoy laing naanggol sa maong disgrasya ug luwas ra usab ang maong driver ug nipasalig kini nga iyang bayaran ang naguba nga poste ug koral sa konsehal. (Renante Lada and Ting Joe Pepito)