Nadakpan ang usa ka 23-anyos nga lalaki nga giila isip High-Value Individual (HVI) sa buy-bust operation sa Barangay Tina-an, Naga City, Sugbo niadtong Pebrero 11, 2026.
Ang suspek nga nailhan sa alyas “Didot” kanhi na napriso. Sa operasyon nga gihimo sa Cebu Police Provincial Office kauban ang Naga City Police ug PDEA, nakuha gikan kaniya ang mga 15 gramos nga gituohang shabu nga nagkantidad og ₱102,000.
Narekober usab ang buy-bust money, usa ka sling bag, ug caliber .45 nga pusil nga adunay magasin ug tulo ka bala.
Gidala sa Naga City Police Station ang suspek ug andam na kasohan tungod sa paglapas sa balaod batok sa ilegal nga drogas ug ilegal nga pagpanag-iya og pusil.
Giawhag sa kapulisan ang publiko nga magpadayon sa pagreport sa mga ilegal nga kalihokan aron mapadayon ang kalinaw sa komunidad.
Source: CCPO
I via Renante Socia Lada
#rpndykccebu