Padayong giatiman sa mga doctor didto sa pangpublikong tambalanan ang usa ka bana nga giunay sa pagdunggab sa iyang asawa.
Pasado alas 5:00 kagahapon sa hapon, Disyembre 26,2022, nahitabo ang krimin, didto sa Sityo Bawod, Barangay Magdugo, Dakbayan sa Toledo, Probinsya sa Sugbo.
Ang biktima nga bana giila sa kapulisan sa Toledo City Police Station nga mao si Mario Labapis, 62 anyos ang panuigon.
Ang asawa nga suspetsado naila nga si Thelma Labapis 48 anyos ang pangidaron.
Puros nagpuyo sa naasoy nga lugar ang baba ug asawa diin didto nahitabo ang pagpanunggab.
Sa imbestigasyon sa Toledo City Police Station, nasayran na hubog nga niuli ang asawa sa ilang pinuy-anan.
Gibadlong kini sa iyang bana nga dili na palakwon apan nasuko kini.
Sa ilang panaglalis natukmod sa bana ang iyang asawa ug nibawos kini pinaagi sa pagkuhag kutsilyo sa ilang kusina dayon dunggab sa bana.
Hinuon mga pasado alas 9:0O kagabii nitahan sa kapulisan ang suspetsado nga nidunggab sa iyang bana. (Renante Lada)