Usa ka lalaki nga giila nga drug suspect ang nasikop samtang kapin sa P8-million nga balor sa ilegal nga drugas ang nasakmit sa usa ka sting operation nga nahitabo sa Barangay Yati, Liloan, Cebu City, niadtong Hulyo 25, 2024.
Si Regional Director, PBGEN ANTHONY A ABERIN, niingon nga ang hiniusang paningkamot sa Provincial Drug Enforcement Unit/Provincial Intelligence Unit, ug Liloan Municipal Police Station (MPS) sa pagpatuman sa maong intelligence-driven operation maoy hinungdan sa pagkasikop sa na bantog nga high-value indibidwal.
Nikabat sa 1,200 gramos sa gituohang shabu nga adunay eksaktong standard price value nga PhP8,160,000.00 ug uban pang drug paraphernalia ang nasakmit sa suspetsado. Gisumite na kini sa Forensic Unit alang sa eksaminasyon.
Gidala usab ang suspek ug temporaryong gitanggong sa custodial facility sa Liloan MPS samtang giandam na ang mga dokumento alang sa tukmang pagpasaka og kaso nga kalapasan sa Republic Act 9165 o Comprehensive Dangerous Drugs Act of 2002.
“In the past weeks, series of arrest of drug peddlers and confiscation of huge amount of illegal drugs were again initiated by PRO 7 police units, indicating that this fight will continue with the same intensity until all drug personalities are out to where they rightfully belong- our jails.”, segon ni PBGen Aberin. (Renante Socia Lada & Ting Joe Pepito)
(Source: PRO-7)