Balhog karon sa prisuhan ang usa ka HVI Regional Level human nasikop sa gipahigayon nga buy-bust operation sa mga sakop sa CIU/CDEU MCPO uban sa taga PDEA-7.
Didto kini nahitabo sa Gaisano Road, Zone 7, Barangay Mantuyong, dakbayan sa Mandaue pasado alas 10:10 kagabii, Hulyo 8, 2024.
Ang suspetsado giila sa Mandaue City Police Office na mao si Christian Daryl Cabunag Delos Santos, 33 anyos ang panuigon. taga Brgy. Poblacion, siyudad sa Lapu-Lapu.
Nakuha sa iyang position ang mga binultong gituhuang shabu na adunay timbang nga 25 gramos og standard drug value nga P170,000.00.
Sa pagkakaron giandam na ang tukmang kaso batok sa suspetsado isip kalapasan sa RA 9165. (Renante Lada & Ting Joe Pepito)
(Source: PLCol. Mercy Villaro/MCPO)