Usa ka high-value individual (HVI) nga nailhan nga Reymond Victoriano Ochea “Mon,” 42 anyos, ug lumulupyo sa Sitio Bugwak, Barangay San Vicente, Liloan, Cebu, ang nasikop atol sa usa ka joint buy-bust operation niadtong alas 8:07 sa gabii sa FE Zuellig, Barangay Subangdaku, Dakbayan sa Mandaue.
Ang maong operasyon gidumala sa mga personahe sa CIU/CDEU, Mandaue City Police Office (CPO), ug Philippine Drug Enforcement Agency (PDEA). Ang operasyon niresulta sa pagkasikop sa suspek ug pagkakumpiska sa 1.5 ka kilo nga shabu nga adunay kantidad nga P10.2 milyon.
Sumala sa imbestigasyon, nasilop na kaniadto ang suspetsado tungod sa paglapas sa Section 11 sa Republic Act 9165, apan nakapiyansa kini.
Giingon usab nga nakapamaligya siya og 2-4 ka kilo nga shabu matag bulan, diin ang iyang mga operasyon naglakip sa Mandaue City ug mga kasikbit nga lugar sama sa Consolacion ug Liloan.
Ang pagkakumpiska sa maong kantidad sa ilegal nga drogas nagpakita sa kanunay nga paningkamot sa mga otoridad aron mapukan ang pagpang-apod-apod ug paggamit sa shabu sa Central Visayas.
Ang suspek kasamtangang gitangag sa kustodiya sa Mandaue City Police Office ug mag-atubang og dagkong kaso alang sa kalapasan sa Section 5 ug Section 11, Article II sa RA 9165 (Comprehensive Dangerous Drugs Act of 2002).
Ang mga otoridad magapadayon sa mas lawom nga imbestigasyon aron masuta ang uban pang kalabotan nga personalidad ug grupo nga nalambigit sa drug trade sa rehiyon.
📸 Mandaue City Police Office
I via Renante Socia Lada
#rpndykccebu
#675hzamband
#mrpublicservice