Nagtingkagol karon sa prisuhan ang usa ka guwardiya na niunay sa lungkab sa iyang gibantayan na tindahan.
Ang pagpanglungkab nahitabo pasado alas 2:00 sa niaging kadlawon, didto sa Barangay Buhisan, siyudad sa sugbo.
Ang suspetsado na nadakpan mao si Rusty Ocampo, 23, lumad nga taga lungsod sa Bantayan apan, temporaryong nagpuyo sa Sitio Hawud, Barangay Bulacao, siyudad sa sa Talisay.
Kapin sa P15K na kantidad sa mga sigarilyo ang nadala sa suspetsado ug cash na P1,249.00.
Sa inbestigasyon nasayran na nabantayan na adunay kasikas sa maong tindahan sa mga tanod ug sa pag respondi na nila ilang nakita si Ocampo na nagdala sa iyang mga kinawat.
Sa pagkakaron padayong gitanggong sa Labangon Police Station 10 ang dinakpan para pasakaan sa tukmang kaso. (Renante Lada)